Envoyer cette rubrique à un ami Imprimer cette page                    Kanomp-Breizh KANOMP BREIZH Kanomp-Breizh
 


Kevread Lazoù-Kanañ Breizh
Partotek
Rechercher sur le site
Contact
Keleier
Lec'hiennoù mignoned deomp
Plan du site

Kevread Lazoù-Kanañ Breizh

Kampionad 2016

Kampionad rummad kentañ : piv evit mond da heul Mouezh Paotred Breizh?

affiche championnatPemp laz-kanañ a zo war roll ar c'hampionad er bloazh-mañ:
Kanerion an Oriant
N'eo ket deuet warlene ar strollad e Landerne, met kustumet eo kemer perzh er c'hampionad memestra, o vezañ klasset atao gant ar re uhellañ. Aet eo priz Kampion Breizh gantañ e 2009 asamblez gant Maout ar C'hrouidigezh. En em ginnig a ra er bloazh-mañ gant ur renerezh nevez, Diane Régnier, a vo laouen da verkañ tonioù nevez  al laz-kanañ gant he stil. Ur strollad da zizoloiñ en-dro.
Hekleo Strolladig
Ar strollad bihan-se a zo ul lodenn eus laz-kanañ Hekleo. Savet eo bet gant un neubeut koristet a skiant evit dizoloiñ un doare nevez da rannañ ar c'han. O kanañ a eizh kaner, ret eo en em selaou, en em sellout, pep hini a deu da vezañ ur solist o vont e darempred gant an arvesterien en un doare disheñvel. Kinnig a raio Hekleo Strolladig roll e tonioù dedenus evit ar wech kentañ, gant ur gwir plijadur da ganañ. Un daeer e c'hellfe bezañ evit Kan Awen, hag a zo ur strollad bihan toud ivez!
Lazoù-kanañ Konk ha Ploveilh
An daou strollad Bro Gerne a gan asamblez o vezañ renet gant Jean-Yves Le Ven, hag a zo ivez ar c'hompozer mignon dezho. An tonioù pe heuliadennoù ton kompozet gantañ n'eus degaset chañs da Mouezh Bro Konk ha Kanerien sant Meryn : aet eo priz Kampion Breizh ganto div wech (e 203 ha 2014), ha Maout ar C'hrouidigezh ur wech. Ar strollad ijinus ha leun a vuhez, sur tre gant e teknik, a c'hellfe bezañ e plas mat evit defial ar c'hampion e titl.
Kan Awen
Pezh a blij ar pempzeg vaouezh bennag a zo e Kan Awen, eo kanañ an tonioù kompozet gant rener ar strollad, Florian Desbans. Aet eo Maout ar C'hrouidigezh div wech ganto evit tonioù savet gantañ. Er bloazh-mañ, o ginnig ur roll tonioù adsavet a nevez, leun a testennoù oberourien Breizh ha tonioù eus Bro Iwerzhon, eo prest Kan Awen, a gan a teir vouezh ingal lec'h ma ar re all a gan a peder vouezh, da lakaat e diferañs da vezañ klevet!
Mouezh Paotred Breizh 
E vez atao renet ar strollad gant e rener diazezer, Jean-Marie Airault, hag e pep lec'h e Breizh eo Mouezh Paotred Breizh  heñvelster a galite. A orin savet war stumm lazoù-kanañ Bro Gembre, gouest eo bet al laz-kanañ sevel ur roll-tonioù hag a lak e plas mat oberourien Breizh ha liested o oberennoù. Ar strollad feal d'ar c'hampionad, a zo bet priziet a teir gwech gant priz Kampion Breizh, hag aet eo Maout ar C'hrouidigezh ur wech gantañ ivez. Lakaat a ra e titl er jeu en-dro er bloazh-mañ. 

Kampionad Breizh al Lazoù-kanañ, sal ar Family, Landerne, d'ar sul 10 a viz gouere, da 2e30. Mont e-barzh, o rakprennañ : 12€/10€. War ar plas : 14€/12€. Rakprennit gant Kanomp Breizh : 06 32 29 79 29  pe kanompbreizh@wanadoo.fr


Disoc'hoù kampionad eil rummad

Gwalarn Uhel (Gwitalmeze) : 15,85/20. A vo degemeret e rummad kentañ bloazh a zeu.
Kanerien Bro Lokorn : 14,30/20. Eil plas
Kanerien ar Goëlo : 14,22. Trede plas

Kavout a rit an notennoù klok amañ

Daou laz-kanañ a gemere perzh e trede rummad, rummad Selaou. Trugarekaet int bet da vezañ kalonek awalac'h d'en em ginnig. Gourc'hemmennoù ha kuzulioù a zo bet roet dezho. Mouez Rosko ha Kan Izel Vor (ar Forest-Fouen) e oa.

Championnat deuxième & troisième catégorie

 

Le repas chanté

Les convives et leurs feuilles de chant

Les hommes chantent de bon cœur!

Et les dames aussi...

Le chef de Gwalarn Uhel

Tout le monde participe

La chef de Kanerien ar Goëlo

Le chef de Kan Izel Vor entonne un chant à danser

Aussitôt, les danseurs s'élancent


Deiziater Kanomp Breizh 2016

10/07/2016 Kampionad lazoù-kanañ Breizh

                   rummad kentañ

15/10/2016 Stummadur Kanañ e Brezhoneg
                   e Plañvour

04/12/2016 Breizh a Gan
                      Da 3egm
                      Iliz Plourgerne 

 

 

www.facebook.com/kanomp.breizh/

 


Sonadegoù

Hekleo ha La Clé des Chants
Abadenn e iliz Tremaouezan, da 4egm, 
d'ar sul 26 a viz even

Mouezh Paotred Breizh
a gano e chapel an Dosen e Santeg
d'ar sul 26 a viz even da 5egm
Mont e-barzh 10€, digoust -12 vloazh 

Kanerion an Oriant
a ginnigo Diane Régnier, e renerezh nevez e-pad ur pleustradeg poblek
d'ar yaou 30 a viz even, da 8e15 noz
e auditorium Skol sonerezh ha dañs, Plasenn Delaune, Lanester
War roll an nozvezh : tommañ ar mouezhioù, pleustradeg evel ma vo e kampionad al lazoù-kanañ d'an 10 a viz gouere
Evit echuiñ e vo ur banne evit an holl 

Anna Vreizh
Emañ strollad Anna Vreizh o klask ur rener nevez adalek distro-skol 2016
Evit kaout an titouroù , deuit e darempred gant : martineglb@free.fr pe i.y.sourget@wanadoo.fr 
http://annavreizh.gwalarn.org