Envoyer cette rubrique ą un ami Imprimer cette page                    Kanomp-Breizh KANOMP BREIZH Kanomp-Breizh
 


Kevread Lazoł-Kanań Breizh
Partotek
Rechercher sur le site
Contact
Keleier
Lec'hiennoł mignoned deomp
Plan du site

Kevread Lazoł-Kanań Breizh

Kampionad Breizh al lazoł-kanań rummad kentań ha pred kanet

skritell kampionad 2018Disul d'ar 15 a viz gouere, da 2egm e iliz St Tomaz Landerne. 
Ar seizh laz-kanañ war roll Kampionad rummad kentañ en em gavo da vare gouelioù Kann al Loar, evit lakaat an arvesterien dizoloiñ o krouidigezhioù hag heuliadoù tonioù ar bloazh. 

Kan Awen : aet eo oa maout ar c'hrouidigezh ganto e 2017. Fellout a rafe ar strollad rannañ emvrud eus an 10 vloazh tremenet gant Florian Desbans. Laouen eo gant tout ar c'hrouidigezhioù kinniget, o deus lakaet al laz-kanañ merc'hed kavout un anav anavezapl. 
Mouezh Paotred Breizh :  a za en-dro deus un droiad e Pologn. Dont a ra al laz-kanañ paotred gant an tonioù klasel o deus graet e añv mat pell er maez harzoù Breizh. Plijout a ra atav an arvesterien klevout an tonioù-se en-dro, an tonioù hengounel Bro Gembre ha Breizh kempennet ha kempennet brav dindan renerezh Jean-Marie Airault.  
Kanerien sant Meryn en em ginni e-unan bremañ o vezañ dispartiet deus laz-kanañ Konk-Kerne, memes ma oant bet Kampion Breizh 2017 asamblez. Gallout a ra bremañ kinnig e-unan krouidigezhioù atav plijus ha souezhus e rener : Jean-Yves Le Ven. 
Kanerien ar Goëlo a zo degemeret er bloazh-mañ a rummad kentañ. Plijet eo bet ar publik kampionad eil rummad warlene gant laz-kanañ Sant Ke Porzh Olued. Daoust-hag e vo gouest da dreuziñ ar foz a zo etre an eil hag ar rummad kentañ ? Deuit da zisoloit anezhañ !
Hekleo Leun a startijenn eo strollad brezhonegerien Landerne, o vezañ er bloazh-mañ c'hoazh war ar renk. Tommder ar strollad e c'heller meudañ, dindan renerezh Marie-France Rosmorduc, hag a oar penaos reiñ energiezh d'he laz-kanañ. Ur roll tonioù orin ha leun a krouidigezhioù, setu pezh ar c'hellfe plijout ar juri, hag an arvesterien... 
Paotred Pagan Ret eo Kanerien Bro Pagan diazezañ o bezañs e rummad kentañ goude ur perzh lugernus e 2017. Kor Plounéour-Trez a oar penaos plijout ar publik. Met ha plijout a raio ar juri a gortoz kalzh deusouto en-dro? 
Kanerion an Oriant a vo er c'hampionad en-dro ! Ar strollad klok a vo, dindan renerezh Diane Régnier. Ne vañko netra war gwiskamantoù brav strollad Bro an Oriant, nag ur  seizenn brodet, nag ur boukl argant. Hag an holl a vo plijet da glevout en-dro e Landerne yezh bro Gwened kanet brav gant ul laz-kanañ skiant-prenet.  

Deuit da souten ho kampion !

Logo Kann al Loar

Hag evit ar wech kentañ e Kann al Loar : ur pred kanet, kaset en-dro gant al lazoù-kanañ ! Adaleg 7e noz.
Debrit kig ha fars ha kanit holl asamblez ! Simpl eo : Kroget e vo un ton gant ul laz-kanañ, hag adkemeret gant an holl, gant sikour levrigoù ar pozioù a vo skignet gant ar predoù.  

PRIZIOU :
Mont e-barzh lec'h ar gouel : 8€
Mont e-barzh lec'h ar gouel + lazoù-kanañ : 12€
Mont e-barzh lec'h ar gouel + lazoù-kanañ + Kig ha Farz (o virout) : 20€
Pred kanet/Kig ha Farz (o virout) : 12 € 
BILLETTERIE KANN AL LOAR

Evit izili Kanomp Breizh :
Mont e-barzh ar c'hampionad : 10€
Pred kanet/ Kig ha farz  : 12€
Kampionad + pred kanet : 18€
(kasit ur chekenn da gKanomp Breizh cz/ JP Thomin 20 bali ar Rozbresk 29800 Landerne) 


Dalc’het eo bet Kampionad eil ha trede rummad al lazoù-kanañ d’ar sul 20 a viz mae e iliz St Tomaz Landerne, da vare Gouel Breizh, kenurzhiet gant Ti ar Vro Landerne ha Kann al Loar. 

E trede rummad, rummad Selaou :
Kanomp ar Vro Sant Brieg.
E eil rummad :

Kentañ, 
Kampion eil rummad 
Aber al Liger 
(Naoned)
17,72 / 20  Pedet da bignat e rummad kentañ bloazh a zeu 
Eil

Orvez
(Orvault)

17,37 / 20  
Trede Kan ar Vro
(Naoned)
16,45 / 20  
Pevare Kan Izel Vor
(Ar Forest-Fouesn) 
14,80 / 20  

Priz ar c'hrouidigezh a zo aet gant Aber al Liger evit ar c'han : Adsavedigezh Breizh (pkomzoù gant Taldir, sonerezh ha kempenn gant Guy Pouliquen) 


Embannet eo ! Geriadurig ar ganerien

Golo Geriadurig  
Ar geriadurig-godell-se (ment 10x14cm), a vo aes da lakaat e sac’h peb kaner, peb rener laz-kanañ, peb soner a fell dezhañ lakaat muioc’h a vrezhoneg e buhez e strollad. Dastumet eo bet gant Alan Herve ha Yann-Ber Thomin gerioù ar sonerezh, hini ar c’horf, implijet pa vez tommet ar mouezhioù, hag hini buhez al laz-kanañ hag ar sonadegoù evit krouiñ ur beñveg aes da implij ha buhezhus, savet a-ratoz evit lazoù-kanañ Breizh. Levr brezhoneg/galleg. Priz 9€ + 3€ frejoù kas. Kargit amañ ar BON URZHIAN.



Deiziater Kanomp Breizh 2018

15/07/2018  Kampionad Breizh al lazoù-kanañ

                    Rummad kentañ
                    Iliz St Tomaz Landerne
                    Heuliet gant ur pred kanet 
                    Digoret d'an holl
                    Dindan deltenn Gouelioù Kann al Loar  

06/10/2018  Kanañ e Brezhoneg Bro Leon
                    E skolaj St Joseph Montroulez
                    Stummadur war ar vouezh ha war ar yezh

13/10/2018  Kanañ e Brezhoneg Bro Gwened
                    E ti Kendalc'h An Alre
                   Stummadur war ar vouezh ha war ar yezh

02/12/2018  37vet Breizh a Gan 
                    e Kintin
                    Krouet e vo kanadenn An Aval hag ar C'haliz
                    gant Laz-kanañ Breizh
                    

                              logo Facebook

 


Sonadegoł